CEREA Bulla

CEREA Bulla
Imperatoribus Graecis in usu fuit, cum ad matrem, uxorem, filium scriberent; fuitque, sicut et plumbea, quam iidem in literis ad Despotam, Patriarchas et reliquos Principes honoratiores, adhibebant, ab accubitore pali vel annuli signata, ut, docet Codinus Curopal. de offic. Aulae Constantinop. quemadmodum auream, forte et argenteam, magnus signabat Logotheta. Sed Ceream quoque in Novellis Constitutionibus appendi solitam reperimus: quod sollennis testatur formula, δἰ ἐρυθρῶν γραμμάτων τȏυ Βαςιλέως. καὶ ἡ διὰ κηροῦ ςυνήθης σφραγίς: quâ multorum Imperatorum Novellae concluduntur. Ipse etiam Alexius Comnenus, in quadam Novella, tom. 2. p. 186. edicit, ne in posterum cuiuscumque Rescripti ratio habeatur, quod alicui Iudicum transmissam ad se l item exhibere prohibeat, κἄν διὰ κινναβάρεως ὑποςεςκμασμένη τυγχάνη, κἂν την` κηροβουλλον σφραγῖδα φέρηται, Licet minio forte subscriptum sit, licet bullae cereae sigillum habeat. Et Nicol. Patriarcha in Synodali Epist. ad Alexium Imperator. Affirmat, se accepisse eius θείαν ἐπίλυςιν διὰ ςφραγῖδος ἐκ κηροῦ καὶ φοινικιῶν αὐτοχείρων γραμμάτων τὸ ἀξιόπιςτον κεκτημένην, Divinum rescriptum per sigillum cereum puniceasque propriae manus literas idone munitum. Erat autem bulla Cerea duplex, rubra scil. et prasina, dicebaturque Δικήριον. Et utebatur quidem utrâque Imperator: quô innuebatur, ad eum pariter atque ad Patriarcham, munus docendi pertinere. Balsamo de privilegiis Patriarch. p. 444. Ε᾿ντεῦθεν γὰρ οἱ πιςτοὶ Δεςπόται καὶ Α᾿υτοκράτορες κατηχητικῶς ὁμιλουςι τῷ χριςτωνύμῳ λαῷ ἢ θυμιῶςιν, ὡς Ι῾ερεῖς καὶ κατα δικηρίου σφραγίζουςι, Hinc enim usu venit, ut fideles Principes et Imperatores, Catecheticô more, cum populo Christiano colloquantur aut sufsitum faciant, more Sacerdotum, ac cum cera duplici obsignent. Sed Patriarcha tantum prasinâ: itaque legitur bis in Solutionibus quarundam quaest. Manuelis: Εἶχε τῷ μηνὶ Ι᾿ουλίῳ ἐπινεμήςεως ἤ κἃν την` κηρίνην πραςίνην σφραγῖδα; Praeter eam vero, etiam plumbeâ, suum fusse, discimus ex Sanctis quorundam Patriarcharum, quae exstant Iuris Graeco- Rom. tomo 1. Vide Ioh. Kirchmannum, de Annulis c. 8. et supra in voce Bulla, it. infra Sigillum.

Hofmann J. Lexicon universale. 1698.

Look at other dictionaries:

  • BULLA Aurea — I. BULLA Aurea in specie, appellatur, Liber scriptus in Pergameno, in viginti quaturo foliis, cum coopertura grossa, in quo erant scripta diversa negotia sacrum Imperium et Electores eiusdem tangentia: qui quidem liber transfixus erat cum filis… …   Hofmann J. Lexicon universale

  • CERA — alter Apum labor, quem ex floribus, sicut ex rore mel, illas conficere, tradit Aristoteles Histor. l. 5. c. 22. Vide quoque Senecam, Ep. 85. Corn. Celsum apud Philargyrum, Alios. Eam colligendi modum hunc refert Plin. Histor. l. 21. c. 14. Cera… …   Hofmann J. Lexicon universale

  • DICERIUM — Graece Δικήριον, dicebatur in Imperio Graeco bulla cerea duplex, rubra et prasina, quâ utraque utebatur Imp. ut innueret, ad se pariter atque ad Patriarcham, docendi munus, pertinere. Balsamo de privilegiis Patriarch. p. 444. Ε᾿ντεῦθεν γὰρ οἱ… …   Hofmann J. Lexicon universale

  • SIGILLUM — cuius in signandis literis usus, aliud privatum est, quô vel homines privati, vel Principes in negotiis privatis, uti consuevêre, de quo vide Vopisc. in Aureliano d. l. et Fletam l. 2. c. 13. §. 1. aliud publicum, hocqueve rursus vel secretum,… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.